Por acordo da Xunta Directiva da Unión Deportiva Ourense convócase para o dia 11 de abril de 2021,
ás 10:45 horas en primeira convocatoria e ás 11:15 horas en segunda, na bancada de preferencia do
Estadio do Couto (entrada por rúa Carlos Maside), Asemblea Xeral Ordinaria de socios ca seguinte
ORDE DO DÍA
1. Ratificación de novos socios do club e da incorporación dun novo membro á Xunta Directiva
2. Liquidación e peche do orzamento da tempada 2019/2020
3. Estado de execución do orzamento da tempada 2020/2021
4. Reflexión, análise e planificación do futuro do club a medio e longo prazo
5. Rolda libre de intervencións
Para a celebración da asemblea adoptaranse tódalas medidas de seguridade e hixiene que
recomendan as autoridades sanitarias para este tipo de eventos e que xa se están levando a cabo en
cada partido que xogamos como locais (máscara obrigatoria, uso de xeles hidroalcólicos, distancia de
seguridade entre os asistentes).
Lembrar que os socios poden enviar propostas para ser debatidas e sometidas a votación na
Asemblea. Ditas propostas deberán presentarse como mínimo con cinco días naturais de antelación á
celebración da Asemblea e serán enviadas ao correo electrónico uniondeportivaourense@gmail.com.
Así mesmo lembrar que poden acudir á Asemblea con voz e voto os socios maiores de 16 anos que
estean ao corrente de pago da cota social. Débese presentar o Documento Nacional de Identidade
(DNI) para poder acceder á dita Asemblea. Finalmente, recordar que un socio pode representar a
outro presentando escrito de autorización asinado e copia do DNI do representado.
